सर्वसाधारण माहिती

कोरेगांव भिमा हे भीमा नदीच्या डाव्या (उत्तर) काठावर वसलेले ऐतिहासिक वारसा असलेले पुणे-अहिल्यानगर रोडवरील भारतातील एक पंचायत गाव आहे. प्रशासकीयदृष्ट्या, हे गाव महाराष्ट्रातल्या पुणे जिल्ह्यातील शिरूर तालुक्यात असुन महाराष्ट्र राज्य महामार्ग क्रमांक ६० वरील पुणे शहराच्या ईशान्येला २८ किमी अंतरावर आहे.
इ.स.२०११ च्या जनगणनेनुसार, कोरेगांव भिमा गावाची लोकसंख्या १३,११६ आहे, यांपैकी पुरुष संख्या ७,२२० तर स्त्रियांची संख्या ५,८९६ इतकी आहे. वयोगट ० ते ६ मधील बालकांची संख्या १,९५४ असुन अनुसूचित जातीची लोकसंख्या १,५६६ तर अनुसूचित जमातीची लोकसंख्या २६६ आहे.
येथील सर्वसाधारण हवामान उष्ण व कोरडे आहे. हवामानातील बदलानुसार प्रत्येक वर्षात मुख्यतः तीन ऋतू असतात.मार्च ते मे पर्यंत उन्हाळा, जून ते ऑक्टोबर पर्यंत पावसाळा आणि नोव्हेंबर ते फेब्रुवारी पर्यंत हिवाळा असतो. हिवाळ्यात शीतल वातावरण असते. तालुक्यातील वार्षिक सरासरी पर्जन्यमान 440 मिमी पर्यंत असते.